Blögg nördinn er mættur aftur.

Djöfull er nördalegt að blogga.

En nördar gera nördalega hluti... þess vegna er ég að blogga. + það að ég hef lítið að gera

Við vorum að keppa um helgina fyrir áhugasama, 3 leikir á 3 dögum.

Spiluðum við 2 lið úr 1. deildinni og unnum þá leiki, 2-1 og 5-1. Síðan spiluðum við Umeå sem hafa verið mjög góðar í damallsvenskan undanfarin ár og töpuðum 1-0.

Glaðningur frá mömmu!

Þetta gladdi mitt hjarta mikið.

Annars er frekar lítið að frétta héðan. Ég er búin að eignast 2,5 vinkonur sem ég er tvisvar búin að hanga með. Ég er frekar léleg að kynnast nýju fólki og þess vegna er ég mjög stolt af þessum árangri.

Síðan er konukvöld hérna í Piteå á föstudaginn og við erum að fara að taka þátt í tískusýningu. Ekki eins og ég sé ekki reynslubolti á því sviði þannig að þetta verður lítið mál.

Ég fer í klippingu á miðvikudaginn, hárið verður litað aðeins dekkra og settar hárlengingar þannig að ég verð með hár niðrá rass. Eins gott að þetta verði tekið úr strax aftur.

Ef þessi mynd er stækkuð sést að ég er nörd eins og ég greindi frá í byrjun. 

Ég hef aðeins verið að spila hearts í tölvunni áður en ég fer að sofa (það er jafn sorglegt og það hljómar)

Ef þið stækkið myndina sést að ég breytti nöfnunum á spilurunum í Viggu, Bjarnfríði og Silla. 

Vigga og Bjarnfríður fara mest í taugarnar á mér því þær vinna alltaf. Ég og Silli skiptumst á að tapa.

Kertamanneskjan keypti kertastjaka í Indiska. Við elskum Indisku. 

Þá er þessu random bloggi lokið elsku vinir og ættingjar. 

Sakna ykkar.. en samt ekkert alvarlega mikið.

Fékk smá illt i magann þegar ég var að tala við Karmen áSkype í dag og hún rétti fram hendurnar og vildi að ég myndi taka hana upp. 

Þangað til næst..

Blessss